Les mots surlignés font l'objet d'une note
1Reçue à Montélimar, le 27 juillet 1573. Répondue le 02 août 1573.
2Monsieur de Gordes, ayant mon frère le roy de Pollongne accordé aux maire, eschevins,
3pairs, manans et habitans de la ville de La Rochelle, tant pour eulx comme pour
4tous les autres subgectz de mon royaulme les articles contenus en mon eedict de paciffication,
5duquel je vous envoye coppie, jay estimé comme je vous ay escript par cy devant que
6ceulx de mon pays de Daulphiné congnoissant mon intention estre telle, sy rangeroient
7et sortant des misères et afflications où ils sont poseroient incontinant les armes,
8embrassant le repos qui leur est offert et asseuré ; toutesfois, nen ayant aucunes nouvelles,
9jacoyt que mondit frère ayt pource faict depesché vers eulx, je me suis advisé de vous
10envoyer la coppie dudict eedict affin que vous puissiez communicquer à ceulx à qui il
11appartiendra la teneur dicelluy et entendre leur deliberation et volonté pour, selon
12cella leur pourveoir de ce qui sera necessaire, soyt pour lestablissement et entretenement
13dicelluy eedict ou autrement, vous pryant grandement leur faire bien poiser et
14gouster lutillité et prouffict quilz se doivent promectre dudit eedict, lequel ayant
15esté accordé premierement par mondit frère, puys confirmé par moy, jay resolu de
16le entretenir et faire inviolablement garder ; et aussi leur faire veoir que où ilz
17se monstreront tant durs et mesprisant, la grace qui leur est offerte jen auray
18ung très grand mescontantement et les feray poursuivre par toutes les plus
19rigoureuses voyes que me sera possible, sans leur laisser aucune esperance de grace
20et misericorde, esperant que lesdits de Daulphiné obeyroient audit eedict, javoys faict
21retarder les commissions necessaires pour le recouvrement des trente mil livres
22affin de espargner autant en la necessitté dargent où je suis ; toutesfois, ayant
23presentement receu votre lettre du VIIe de ce moys, je ay escript à ceulx de mon conseil
24qui sont demourez à Paris de faire au plus tost expedier lesdites commissions et vous
25les envoyer, estant certain que en scaurez sy bien user que vous ne les mectrez
26en besongne sil nen est très grand besoing. Jay veu ce que vous mescripvez
27de la surprinse que a faicte Montbrun du lieu de Nyons par linfidellité et
28meschanceté daucuns catholisez et pareillement le recouvrement de la ville et château
29de Chabeil, duquel sestoyt saisy Mirabel ; estant très contant de la dilligence
30dont y avez usé et du bon et grand devoir que y ont faict les gentilzhommes mes
31bons serviteurs qui estoient près de vous et mesmes le sieur d’Ourche, ayant
32bien voullu pour ceste occasion escrire aux principaulx dentre eulx les lettres que
33je vous envoye pour leur bailler, pour leur faire congnoistre combien me sont
34agreables les services quilz me font près de vous et les admonester de continuer
35comme je vous prye faire de votre part et estre tousjours alerte pour garder
36et deffendre ce que jay mis entre voz mains. Jescriptz aussy une bonne lettre
37[135 v°] à ce sieur de Maubec, lequel est indigne de lhonneur quil a receu faisant sy peu de
38conte de voz mandementz et de mon service. Le sieur Julles Centurion a esté
39veritablement bien blessé devant La Rochelle, mais il est en ung beau chemin de
40guarison , Dieu mercy, parquoy il ny a aucun changement en cella, estant
41bien contant du tesmoignaige que rendez du devoir de servyr que faict
42le sieur carlo Marconi son lieutenant, lequel continuant se peult asseurer
43destre recongneu et favorablement traité, sen presentant loccasion. Vous en direz
44autant au sieur de Lestang et me ferez incontinant responce sur tout ce que
45dessus, pryant Dieu, monsieur de Gordes, vous avoir en sa sainte et digne garde.
46Escript à Gaillon, le XVIIIe jour de juillet 1573 .S.
47Charles
48De neufville secretaire